Инспектор Морз е создаден во романите на Колин Декстер и тој е вообразен и арогантен, многу интелигентен самотник со кого никогаш не е едноставно да се комуницира. Тој ужива во музиката на Моцарт и на Вагнер, чита поезија, расправа за филозофија, обожава крстозбори и тоа од потешките. Тој е алкохоличар кому чашата секогаш му е при рака, во паб пие на сметка на неговите подредени, ретко уважува нечие мислење освен своето, а многу пати се случило и за некое злосторство да приведе погрешно лице. Со жените нема среќа бидејќи едноставно е премногу комплициран за да биде во состојба да оствари квалитетна врска. Името на Морз е Ендевор, како што се викал и бродот на капетанот и истражувач Џејмс Кук, со кого бил опседнат неговиот татко. Десната рака на Морз е наредникот Луис, кој е речиси сосема спротивен од инспекторот. Тој е "народен"човек, семеен тип, како создаден со бескрајно трпение да ги поднесува испадите на својот често безобразен шеф...
